/
 
 

MARIAN WOO:始終都有第一次

 

首先,好多謝 Ming’s 誠意邀請小妹開壇,我想,終於無枉費那些年中文中學既光陰, 以前邊讀邊鬧,覺得一間學校點解要分中英文部中學,擔心自己英文又唔叻中文又勉強攪到半桶水,不過青春期時天生打開本書就眼水猛流, 打呵欠不停,日日時差,睡魔經常急Call,哈哈。今天的我,才發現一直以來其實都暗暗喜歡寫作。

以前開心不會寫什麽,但唔開心就會寫好長篇,跟畫畫一樣,寫作有時像同自己傾偈,有時抒發感受,有時是一種治療。不過今次小妹希望藉着這次美麗的合作機會,分享更多小妹有反應的東西:)原本第一篇想寫香港做化妝師的一些辛酸史,但係過時過節,啲衰嘢就唔係咁適合提,同埋又豈能幾百字帶過,遲啲慢慢再同大家分享。


 


都有一刻諗過,人人每日碌 IG 都已經資訊 overload,有幾多人真係會睇我地寫乜既呢?譬如專家話每人每日個腦裡面有幾萬個 thoughts, 我就絶對每日有好多 thoughts, 好似做我地呢行,唔單止要不停 update 自己,工具,產品,時裝,興什麽,唔興什麽,坊間有什麽 Cult化妝新方法,產品的用法,時裝界潮流設計師品牌,做了什麽, 慢一拍都跟不上,你可能會話, 化妝點解要留意咁多野? 我地既腦袋好似一部錄影機咁,你吸收什麽,你就會做什麽,好自然,你日常所吸收既東西,很容易就會反射在你的風格上,所以某程度上,就要懂得選擇多看什麽東西,從而調教自己既潛在意識,其實做什麽都一樣,專注什麽便會偏向什麽方向。

世界上, 會化妝的人太多,可以化一個靚女妝亦很多,因為其實又真係唔太難,稍為對化妝品有濃厚既喜好的人都可以自學化一手好妝 ,甚至幫人化一手好妝, 所以好多化妝師,越成功既化妝師,越大多數係自學起先。然而, 每個化妝師都有自己既長處,可以突圍而出既,優質的人好多,但真正有自己既風格,創新而又能做時尚, 創造到潮流的,就真的很少。
近五年,從似乎都素得不可用素,所謂有妝等於無妝的妝到大家狂打高光陰影,都是一個很有趣的現像。

 

小妹入行很遲,30歲人家已經是國際大師,我才剛剛入行,當然,數字對我從來無影響,我想做便去試去學去鑽研去想辦法。只要你夠想就會有動力。

我希望日後慢慢同大家分享更多。雖然我个人來說並不是一名什麽成不成功或什麽星級,更加談不上名氣的本地化妝師,我只是我,希望以過來人的身份把我的經歷和大家分享,也未必談得上是不是心得,希望大家喜歡的便多看看吧。

 

MARIAN WOO

Professional Makeup Artist based between HK/BJ/SH

TOP 5