/
 
 

如何時尚地不失霸氣開倒車:從經典電影造型中淘寶

 

 

這幾天中國最高領導人習大大要修憲的消息,叫大陸網民普天同「慶」,連隨數月前熱爆一時的「倒車舞」也給網民翻出來重溫回味,要看趁手,因為不少關連字的文章及視頻,都經已遭官方屏蔽,不然惹來「維妮帝」龍顏不悅,好大鑊㗎⋯⋯

 

 

 

網上載圖

 

之前網民在抖音這個app中,搵到好多妙齡兼打扮入時的女子,十分投入跳倒車這個熱潮,也有不少小背心熱褲女打扮,雖然養眼但睇得多不免有點悶,如何能時尚地不失霸氣開(呀,唔係)跳倒車,建議大家不妨從經典電影造型中取經,大把寶等你淘。

 

《Rebel Without A Cause》

 

正宗男神

無論做揸車定開倒車嗰位,玩原汁原味梗係《Rebel Without A Cause》(1955)中的占士甸,biker 老牛擔住口煙,開啟以後無數電影及時裝。既然現實生活中做不到 (反叛),扮鬼扮馬都可以啩?可惜而家連「講吓咋」都唔得lu,於微博搜索倒車舞,「抱歉,未找到“倒車舞”相关结果。」

 

《Café Society》

 

回到1920

橫掂都係倒,不如倒遠一點,倒退到1920年代倒馬車或人力車吖,Kristen Stewart跟Jesse Eisenberg在《Café Society》(2016) 中係典型"20後" 後生仔女扮相,男主對女主一見鍾情,女主為往上爬最終離開他,盡見世態炎涼,認真符合國情呀喂!

 

 

《An Education》

 

愛(黨)的教育

《大亨小傳》中的Carey Mulligan雖然有好多Prada着,但她在這套60年代倫敦市郊背景的《An Education》(2009),演情竇初開少女遇上花花公子,情路上由希冀變幻滅,實在切合不少中國國民的心境囉。

 

《True Romance》

 

亡命天涯

On the run走佬公路電影有好多,孖女版《Thelma &Louise》經典到無人不識,呢套東尼史葛執導、塔倫天奴編劇的《True Romance》(1993)亦係hidden gem,男主Christian Slater與女主Patricia Arquette雙雙逃避黑幫追捕,走到天腳底都走唔甩,係咪都好容易叫人深有共鳴呢?

 

 

 

 

 

 

TOP 5