/
 
 

行內人揭秘:無家底唔好入行?過來人分享最窮的工作經歷

 

離上一篇行內人揭秘六個月後,又有讀者分享個人故事。今回談及的,竟是不能避免的「輸在起跑線」——亦即是「錢」。


若然你問我,沒有家底的話,是否應該避免入行?我會告訴你,沒有錢,其實做邊一行都辛苦。又或者咁講,有家底嘅話,做邊一行都無所謂吧?不過,時裝產業也確實是個special case,這個外表華麗的產業,逼近一分鐘一滴眼淚的實況,Low pay、工時長,賣了熱誠,換來雞碎咁多錢——都係果句,無錢就是萬萬不能吧。

 

今回(其實我也不知這位讀者是男還是女,因它為人低調)A讀者與我們聊了半天,編輯整理後,列出三大「最窮經歷」,可供有意入行的人作個參考。

 

1. 時裝產業就是以本傷人! 


當過設計師,又當過編輯。編輯年資只有兩年就頂唔順轉行了,重回設計師行業。我發現,兩種工作都是以本傷人的!好像現在當設計師,打版、買料全也是錢,香港公司又沒有budget,要人用$10成本扮國際牌子,最後四不像,仲要畀老闆鬧番轉頭!我覺得成本低真的不重要,但至少要有自知之明吧?以前當個小編,上司也是要我按照那些外國雜誌的reference拍攝,但問題又無錢買道具、無錢租場。最後影出黎當然像學生功課。相反,我見過有啲有家底嘅人,不論是影相還是開牌子做設計,有錢咩都鬆動啲,買塊布都靚啲啦?所以話,在時裝界工作,貧富懸殊也特別嚴重。

 

2. 試過無錢過聖誕


回想起當初做編輯,試過有很多錢未claim得成就要過聖誕。忙完先知戶口無錢,身上得番幾百蚊要撐完成個聖誕等出糧都仲有差不多十日。所以諗左條橋,就是請同事們來家預早慶祝聖誕(編按:A讀者一個人住)打邊爐,順勢把打邊爐剩下的食物,留黎比自己食撐到出糧。聖誕節平安夜倒數都唔出街,最終剩下的食物真的撐到我出糧果日。但我都有成幾個月無再食公仔麵同丸、腸,諗起都覺得好癲。但同時,又是行內實況,我呢啲自己靠自己,人工低,無流動資金咁濟,有時遲左claim錢就真係窮好耐、捱好多個飯盒先有錢。仲試過因編輯工作經常走來走去,而用長者八達通,但用左幾次就畀人捉,罰完錢就唔敢再用。一句講曬,做呢行,一定要有個錢傍身。

 

3. 首年冬至不敢回家


首年的我還在做雜誌時,剛剛過了試用期,家人叫我回家做節(冬至)。

還記得未出來社會工作時,聽過姨姨說表哥冬至不帶家用回家,說他不孝。而剛剛過試用期的我,還未有錢給家人作家用,而那時已加班到9點了,當我到達了地鐵站,最後還是決定回頭,索性跟他們說我加班來不了就算了。那種沒有錢的壓力,我這一輩子都記得。我明白,這一行大多是灑熱血的。但更多的是,本着給你機會的藉口,剝削你應有的工資、休息時間。我也實在是受不了這種香港老闆,才決定轉行的。

 

 

 


若然你都有「行內人揭秘」的故事,不妨inbox我們的facebook專頁!

text/ DC

TOP 5