/
 
 

假如我是…影帝大熱余文樂,食糊要先去宅男化!

 

58314e56a766f3f3a7f3cd5139d021b6

相信很多影迷看罷《一念無明》,除了被真實又具壓迫感的劇力,壓至胸口一陣鬱悶,還會有種:「余文樂終於有代表作感覺」。余文樂一直以日系潮男形象示人,潮得來又帶三分宅,對上一次看着身邊女拍擋楊千嬅憑余春嬌奪下金像獎,心中還真不知是喜是悲,際遇上他可算是最旺女拍擋之綠葉。但千等萬等,終於等到一套《一念無明》,有血有肉地演活一個讓人覺得終於捱出頭感覺的好角色。假如我是余文樂,今年絕對會拋下以往宅感覺裝束,換上一套Sharp醒挺身晚裝,就算獎未必一定到手,但至少要有氣勢。志明,那款黑框眼鏡留來平日出街戴吧,這次你需要的是大將之風。

-fishmanlok-1p
由左至右:第29屆香港電影金像獎、第33屆香港電影金像獎、第32屆香港電影金像獎

其實Fishman Lok賻頭夠橫,是絕對撐得起挺身靚西裝,但由於上下身的身形比例較平均,腳不算太長,如圖1般西褲太低腰又太鬆就會自曝其短。再加上那條不知是甚麼的衣帶細節,顯得累贅,西裝也太不Fit身了吧,當時做綠葉尚可,今次頂頭大熱就唔好太Hea了。另外圖2那件綠色Bomber Jacket、與圖3那條褲裙,留在平日着吧,乖。

fishman-lok-2p

由左至右:Tom Ford FW17 , Dior Homme FW17
其實潮男着唔慣佬味大濃、太穩重,剪裁貼身又夠俐落的年輕設計就最適合余文樂。例如Tom Ford FW17推出孖襟外套,高腰線夠立體可以改善腳唔夠長弱點,全黑最安全又最大器,帶型味又唔會似返工,一絕。另外Dior Homme FW17新款亦夠Slim Cut,領位有少少白線Detail夠Sharp醒又唔會Over,,頸鏈就留返出街先用,夠正式又唔會太悶無性格。本來都有諗Classic Tweed會唔會適合佢,但話明今次要擔大旗夠Sharp醒,Classic Tweed略怕厚重唔夠瀟灑,都係黑色較有大將之風。

講到最後,樂仔,希望你與黃進導演今次好戲有好報,《一念無明》,真係一套好戲。

Text/Sherry Yeung

TOP 5