/
 
 

黃偉文

填詞人,其實最鐘意買嘢,最憎寫字,星期日盡可能唔寫字,去買嘢。

Wyman Wong:集郵的藝術(如果有的話)

 

Fashion Week就變成了一個其實很好集郵的地方,最紅 的最型的最貴的最意想不到的名人隨時出現在你三步 之遙。(哈哈,不要拿放大鏡了,我怎麼會容許X出現 在這張圖片內?)

 

 

最差郵票

 

想了好久開不開名,後來決定不開,一則為了那個「老規矩」,讓大家喺街撞到我時有嘢好問,二則我保留這是件「個別事件」的可能性,正如我上次見到Tilda Swinton咁Nice,也未必代表下次大家見到她時一定一樣心情咁靚(雖然我相信佢會一樣咁好人囉),所以還是為這位女模X留點後路!

 

是這樣的,某年被邀去倫敦看時裝表演,完場後一眾賓客留步參加party互相mingle一下,是的,那次的show因場地有限所以座位不多,正所謂入得嚟嘅都有名有姓唔係阿貓阿狗盲巫白撞!

 

總之那天出席嘉賓裏面,有位現在已很少行catwalk改為做其他表演工作及專業看秀的前名模X(唔係Kate,唔駛估佢嘞!),和我同行的朋友好喜歡她,在Party中見她在面前行過便禮貌地詢問可否合照,誰知X望了望我朋友,便給bodyguard一個眼神,然後就目無表情地把頭轉開和身邊她自己的朋友熱烈交談,此時她身邊的保鏢便上前把我朋友攔開,並叫她站在旁邊等,他說X和朋友講完便會和你影相的。

 

結果朋友等了足足20分鐘,X和朋友聊天完畢便直接走開,沒有如保鏢所說和她合照。

 

朋友失望離開,繼續party,一兩小時之後預備離開之際在出口前竟然又撞到X,她居然「不念舊惡」放下尊嚴又問一次,結果一模一樣,X又是望了她一眼把awkward 境況交給隨從,個保鏢又係叫佢喺側邊等佢傾完自然會同佢影……

 

結果今次又係等咗20分鐘見毫無動靜先死心!

 

我明白名人們沒有義務一定要同粉絲合照,所以直到X沒有反應那一段我都完全可以接受(雖然禮貌地說聲我今天不想影而不是粒聲唔出擰開也不是太難吧),但搵個保鏢出來叫你企埋一邊等20分鐘然後完全唔理你,我會覺得有點殘忍有點何必呢,明明唔想影,何必嘥我廿分鐘呢?何必俾個False Hope我呢?如果真的有心照顧Fans的心願,和朋友吹水前停下15秒影張相不是更有誠意嗎?又唔係週圍有50人爭住影一開先例便手尾長!有心請人吃飯又何必把飯菜倒在地上,或者叫對方先做一千下掌上壓先准起筷吧!你可以幫她說:或者係個保鏢自把自為叫fans等X毫不知情其實係無辜的,唔,你家員工處事方法難道老闆可以不聞不問?你家寵物咬了人主人難道沒有義務執手尾賠湯藥?更何況所謂「危機處理」又唔係咩,舉手之勞影張相啫!拖完唔做衰過唔做,放諸四海皆準,咁都唔明?

 

 

 

 

 

BY 容祖兒 Joey Yung
BY SILVIO CHAN
BLOG , PEOPLE & LIFE

TOP 5