/
 
 

黃偉文

填詞人,其實最鐘意買嘢,最憎寫字,星期日盡可能唔寫字,去買嘢。

Wyman Wong:關於(中途)換衫……

 

 

明星們去參加頒獎禮「中途換衫」,似乎是華人社會才比較流行的做法,今年整場奧斯卡好像只有提名最佳女配角的Mary J. Blige有換過衫,因為她要上台演唱同時入圍的候選原創歌曲,都算「出師有名」!

 

其實做做吓show換多幾套衫,在大部份觀眾心目中都屬敬業行為,不另收費而俾多幾個造型你睇點會唔係益街坊的「賣大包」,但頒獎禮囉喎,除非「Red Carpet」和「坐喺台下等」算兩項表演,否則唔一定有份上台拿獎的候選人無端端大變身7次也是有點多餘,被懷疑博搶鏡事少,因此被打入那種刷存在感的暗星系列便百辭莫辯。

 

但若你問我個人看法,我會說行動本身並無對錯,主人翁本身若當日心情靚想換多兩套衫,其實也人畜無害未可厚非吹佢唔脹。只不過像Oscar這種還帶點學院派莊嚴的場合,很多人都未太接受這種大方宴客的不時百變而已,換了是娛樂掛帥的頒獎禮如Billboard、MTV、Grammy,換少套衫的分分鐘會被人批評唔尊重㖭。

 

今年香港電影金像獎舉行在即,且看誰誰誰又換了幾換誰誰誰的設計。

BY 容祖兒 Joey Yung
BY SILVIO CHAN
BLOG , PEOPLE & LIFE

TOP 5