/
 
 

黃偉文

填詞人,其實最鐘意買嘢,最憎寫字,星期日盡可能唔寫字,去買嘢。

Wyman Wong:「秘密武器」 這個古代詞語……

 

 

 

Napoleon Jacket初come back的時候,頭頂還未戴上拳頭咁大粒車厘子並且決定靠吸食街拍維生的Anna Dello Russo,吼準fashion week最多大show那個朝頭早,靜雞雞地穿上了一件無人知道出處的綠色拿破 崙軍褸出場,又俾佢博到數以噸計的snapshots之餘,還引來了各方時裝八卦精的爭相打聽,當中有幾位desperate到不惜打破「傳統時裝人第一天條」:無論人哋件衫幾靚都好一定要保持cool樣黑面,切忌失禮到打雀咁眼望住人讚靚,更萬萬不能忍唔住問人係咩牌子喺邊度買!

 

一向擅長扮懵保命的時尚傻姑只是嘻嘻哈哈回應:「哈哈哈唔知呢,係我妹妹唔知喺邊度搵返嚟嘅古董衫嚟㗎,我攞佢件衫嚟著之嘛嘻嘻嘻!」

 

打死我都唔信佢真係唔知件秘密武器到底乜嘢來路,但換咗係我,我都一定打死唔講。(哈一句話之內我便被打死了兩次!)

 

因為我很懷念時裝界為了爭奇鬥豔,人人總有三幾個「秘密」傍身(每日計)的那個年代。你知道晒我啲底牌我知道晒我啲底牌,扮靚仲有乜嘢好玩?

BY 黃詠詩
BY 容祖兒 Joey Yung
BLOG , PEOPLE & LIFE

TOP 5