/
 
 

黃偉文

填詞人,其實最鐘意買嘢,最憎寫字,星期日盡可能唔寫字,去買嘢。

Wyman Wong:終於捱到……興返OVERSIZE!

 

 

逛Balenciaga,唔覺意聽到店另一邊的小騷動,某顧客越講越大聲,詐嬌漸漸扭 大成發爛渣,音量之高其他人唔想「偷聽」都唔得。

 

幾乎釀成血案!

 

哦,原來惡客投訴的是:「點解你哋啲衫唔做貼身啲?」

 

完全戥彬彬有禮的店員陰公豬:一,先生你知唔知呢期巴黎世家玩乜野idea,你 自己衝入嚟(某個數字)之前,有冇做吓research?通俗大眾化一點講:你等於行入壽司 舖埋怨人哋冇熱嘢食,行家版比喻就是:大佬冇嘢呀你去Stella McCartney搵皮草?二,阿腥你本人睇落亦唔係話特別fit,緊身衫你著勢必唧咗個肚腩仔出嚟, 何苦執着一個過咗氣(不過我估你唔知)的潮流呢?

 

至於「釀成血案」,不是因為谷爆售貨員,想出手樁佢的其實是我:「你知唔知 阿叔我捱咗幾耐先捱得到鬆身衫興返呀靚仔?倒—我—米?」

BY 黃偉文
BY Salma Kadir
BLOG , PEOPLE & LIFE

TOP 5