/
 
 

唇膏控瘋買的完美藉口:一款唇膏化全妝

 

唇膏控們要買唇膏從來唔需要理由,大條道理兩個字「鍾意」已經夠。糧尾時過唔到自己嗰關?美國化妝博客Ryan Potter最近的化妝短片,應該會成為你的解藥,皆因佢用一系列同款唇膏化上全妝,由底妝到眉毛眼影唇妝一概搞掂!雖然筆者相信此舉都係為noise之作,但需要科水買新唇膏之時,一於當俾個藉口自己,諗吓唇膏有幾「多用途」!

text/ Orris Wong

photo/ Internet


 

Ryan Potter雖然年紀輕輕,但年僅十八歲嘅佢喺Instagram已經有逾278,000位followers,人氣在眾多男性美妝博客中算數一數二。是次出位之作,係用上8支M.A.C唇膏畫上全妝,佢先用最貼近自己皮膚的裸粉色上「底妝」,然後用上不同深淺的裸唇色做光影,今季大熱的shimmering金色閃粉,也讓他用來做高光highlight;不過最叫筆者驚訝的,可算是用酒紅色加底妝裸粉色唇膏溝勻畫眉,出來效果更似用咗眉gel!雖然近年美妝界一早推出「一物多用」的妝物,例如可以同時用作胭脂及唇妝用的Lip Tint,或眼唇兩用的「眼唇蜜」,但用埋唇膏嚟化底妝同眉妝,就真係有啲挑戰性。

 

Ryan Potter(@ryanbpotter)分享的貼文 張貼

 

Potter呢條片一出,事隔三日,喺佢嘅instagram已經獲得3,284,612 views,如果比喻量化為香港人口,代表已經有超過一半香港人睇過,都真係唔可以睇少。不過一路睇Potter弟弟上妝,同佢隔幾個代溝嘅筆者只覺得「痴立立」,兼且羨慕佢唔使點遮瑕的好皮膚,果然青春就是無敵。

TOP 5