/
 
 

你真的懂卸妝嗎?4個不能不知道的養肌迷思!

 

踏入秋夏交替,最叫人煩惱的是又‧要‧轉‧底‧妝‧產‧品了,但要育成良好肌膚狀態,除了挑選適合的底妝之外,仲要學識洗得乾淨嘅卸妝法 ── 用卸妝油同時按摩?凍熱水交替會有助皮膚更緊緻?一於睇吓係咪真!

 

text/ Orris Wong
photo/ Internet


 

曾經有傳聞話「一晚不卸妝,肌齡老三年」(雖則可能誇張咗),但24小時唔俾肌膚透透氣,真係會加速肌膚老化。各位貪靚精每日上妝卸妝,又有冇諗過係咪真係卸得乾淨?筆者就試過以卸妝乳卸去妝容後,用棉花擦上爽膚水時居然有不少殘留物!所以話唔同產物要用上相應的使用手法,先可以真係發揮最大效用,以下4個關於卸妝的迷思,你又知唔知?

1/ 卸妝時間愈耐愈乾淨?

 

要清洗防水防汗防暈染的妝容,大部份卸妝產品內無可避免都會含有油脂成分乳化劑,容易連皮膚自身油脂一併洗走,而含有防腐劑的產品也容易令皮膚敏感,所以要留意卸妝產品喺面上停留時間,畢竟就算有幾多修護成分的卸妝產品也不是護膚品,唔好用嚟敷面啊!

 

2/ 卸妝油應該順道按摩?

 

使用卸妝油或卸妝膏時,唔少人都習慣都用打圈手法溶掉妝容,順道按摩一下肌膚,但其實這隨時傷害肌膚!試想想,把一堆混集了油脂、出外一整天街上的塵埃、彩妝的「東西」在臉上打轉,真的對皮膚有益嗎?

3/ 冷熱水交替讓皮膚更緊緻?

 

仿效日本風呂冷熱交替的原理,不少人以為用冷水熱水相互洗瞼可以令皮膚更緊緻、毛孔更幼細,但卻忘了面部肌膚其實很薄!以溫差大的水洗面當然可以讓皮膚「冷縮熱脹」,但面部的微絲血管卻因而更易「浮面」及變得敏感,所以使用溫水清潔就最萬無一失了。

4/ 點解洗極都仲油立立?

使用油性卸妝的貪靚精,會不會有洗極都覺得洗唔乾淨嘅感覺?那很有機會因為還未曾完全「乳化」卸妝產品就心急用水沖掉呢!顧名思義,乳化就是把原本透明或膏狀的產品跟水混合成乳白色狀態,讓彩妝成功溶於產品中,然後讓清水帶走;未完全乳化的油性卸妝產品有機會殘留在面上,或會堵塞毛孔,大家要留意。

TOP 5