/
 
 

Sue Chang︰十年後,希望仍然能夠繼續靠自己的工作維生。誰說女人婚後,不能擁有事業?

 

 

傳統價值認為一個女人仔最大成就,便 是嫁得好,適時生兒育女,整個生活重心傾向家庭,一生老公兒女債在所不計。 從小扛起自己生活的 Sue,一口否定這說法。她靠鍵盤起家,透過網絡,成為香港 vs 韓國的橋樑,自力更生有幾好? 12 月生得,Sue 認為,點都好過從此被困啦!

 

「由細到大,我都好鍾意影相,更會一 個人專程走去公園影花草樹木,返學又 影,旅行又影,再寫點感想。生活本來就是美麗。食餐飯,也不應該求求其其, 活像行屍走肉。我都唔知自己為何那麼 喜歡分享生活?!性格吧!長大後,好恨做到一種工作,既可分享個人生活, 又唔需要返工,夢想過一種自由自在的 生活。

 

 

SUE CHANG 中韓混血 blogger @suechangg

Jaeger-LeCoultre Rendez-Vous Moon 約會系列 月相腕錶 $399,000

 

「從小我便做好多 freelance,用盡所能 去賺外快以維持個人生活,教琴之餘, 又幫人做美勞功課!一份功課收七百至 一千蚊呀!韓國人來港做生意,想去荔 枝角開舖,我做翻譯,當時,已經唔想 只做一份正職,浪費自己!我唯一做過 一份正職,就是畫廊店長。畫廊老闆知 道我很羨慕外國 bloggers 周遊列國,又 有收入,以自己的生活方式影響別人, 就鼓勵我出了一本書《藝遊首爾》,那 時,賺幾多使幾多,唔靠屋企,『韓流』盛行,無心插柳令我透過社交網絡,介 紹韓國文化兼教人韓文,總之,別人給 予機會,我就去試。

 

「隨着漸漸多人看我個 blog,陸續吸引 不同品牌找我工作,便愈來愈多閒言『點 解搵佢?!』自覺承受唔到,諗過收山, 老公卻說『你唔會甘於平凡,要你重過 普通生活,比起面對閒言更難。』誰說 blogger 易做?我本身唔叻說話,對住 鏡頭,更加唔容易,每次事前都要練習 好多次,自己寫劇本、化妝、構思內容、 度搞笑位、剪片,兼顧 marketing,樣 樣都要學要識。曾有朋友想參加香港小姐,自以為能夠應付對答,回來告訴我 『人前說話好難、好緊張呀!』。所以, 說我閒言的人,等於抹殺我一直以來的努力。

 

「慶幸成為本地第一代 KOL。依家, 凡人有 Instagram 就是 KOL,真正的 KOL,一定要能夠影響到別人的想法, 只靠影相,個個差唔多,好難發圍。好 多人留言告訴我『一直好迷惘,唔知道 應否去做自己喜歡的事情,直至看見到 我作為例子,決定放膽一試。』我帶給 別人信心,也算影響別人。

 

 

 

 

自從創立個人 blog,間接拉近了 Sue 和媽媽的距離,自己也快將為人母,感受更深。

 

 

Sue︰「世界上, 還有好多事物有待我去開創。」

 

「十年後,希望仍然能夠繼續靠自己的 工作維生。誰說女人婚後,不能擁有事業?我看碧咸嫂,婚後更強,唔好太早 否定自己。婚前已跟老公講到明,就算 你每月給我十萬家用,我都唔做全職主 婦,接受唔到自己只是相夫教子,世界 上,還有好多事物有待我去開創。唔想 小朋友成長時,當遇上迷惘,我給予意 見,他們卻說『媽咪未曾出外工作過, 懂什麼呢?!』我會好傷心。

 

「我曾應承自己,有朝一日定要賺錢照 顧媽咪,去年達標了。我更成功 train 媽咪成為貼身助手,一齊見靚嘢,出 埠⋯⋯我是巨蟹座,目標簡單,就是這 樣。家中排第二,一個哥哥,一個細 佬,家人從來唔理我,媽咪都估唔到, 女兒先發圍,而且終於知道,唔可以幫 仔女計劃太多,應該讓他們做自己喜歡 的事情更好。」

 

「真正的KOL, 一定要能夠影響到 別人的想法,只靠影相,個個差唔 多,好難發圍。」

 


Text / Rhonda Ng

TOP 5